MAʼLUMOTNOMA
Abdullayev Abdushukur Xamidovich 1959-yilda Toshkent shahrida tug‘ilgan.
1981-yil Toshkent politexnika institutini muhandis-mexanik yo‘nalishini tamomlagan.
A.X.Abdullaev mehnat faoliyatini 1974-yil Toshkent shahar 38-sonli umumtaʼlim
maktabi laboranti sifatida ish boshlagan.
1981-yildan 1989-yilgacha Toshkent politexnika instituti “Sovutish mashinalari
va qurilmalari” kafedrasi assistenti, ilmiy xodimi lavozimida ishlagan.
1989-yildan 1992-yilgacha Toshkent politexnika instituti «Vlagometriya»
ilmiy-tadqiqot guruhi kichik ilmiy xodimi sifatida faoliyat olib borgan.
1992-yildan 1994-yilgacha Toshkent davlat texnika universiteti aspiranti bo‘lgan.
1994-yildan 2001-yilgacha Toshkent davlat texnika universiteti “Metrologiya
va o‘lchash texnikasi” kafedrasi katta o‘qituvchisi, dotsenti sifatida faoliyat yuritgan.
2001-yildan 2004-yilgacha O‘zbekiston Respublikasi Oliy va o‘rta maxsus taʼlim
vazirligi boshqarma boshlig‘i o‘rinbosari, boshqarma boshlig‘i lavozimida ishlagan.
2004-yildan 2005-yilgacha O‘zbekiston Respublikasi Vazirlar Mahkamasi
bosh mutaxassisi bo‘lib ishlagan.
2005-yildan 2017-yilgacha O‘zbekiston Respublikasi Vazirlar Mahkamasi
huzuridagi «O‘zarxiv» agentligi bosh direktori sifatida faoliyat yuritgan.
2017-yildan 2020-yilgacha O‘zbekiston Respublikasi Yer resurslari,
geodeziya, kartografiya va davlat kadastri davlat qo‘mitasi raisi lavozimida ishlagan.
2020-yilda O‘zbekiston Respublikasi Yer resurslari, geodeziya, kartografiya
va davlat kadastri davlat qo‘mitasi raisi o‘rinbosari - Geoinnovatsiya markazi direktori lavozimida ishlagan.
2020-yildan boshlab Davlat soliq qo‘mitasi huzuridagi Kadastr agentligi
direktorining o‘rinbosari - Geoinnovatsiya markazi direktori sifatida faoliyat yuritib kelmoqda.
